Loading…

Zyrtari amerikan vizitë në Luginën e Preshevës, takon liderët shqiptarë atje

  • 15/08/2018 | 11:21

Zyrtari amerikan vizitë në Luginën e Preshevës, takon liderët shqiptarë atje

Kryetari i Bujanocit, Shaip Kamberi ka pritur në takim sekretarin e dytë të Ambasadës së SHBA-së në Beograd, Adam Schick. Në këtë takim është diskutuar për gjendjen e përgjithshme politike në Luginë të Preshevës.


“Takim pune me Sekretarin e dytë të Ambasadës së SHBA-së në Beograd, Adam Schick, me të cilin u diskutua për gjendjen e përgjithshme politike në Luginë të Preshevës.

Në mes tjerash, u diskutua edhe për stagnimin e integrimit të shqiptarëve nëpër institucionet shtetërore dhe mungesën e vullnetit politik të të gjitha qeverive nga Beogradi për të zgjidhur problemet esenciale të cilat pengojnë zhvillimin e një jete normale të qytetarëve të Luginës së Preshevës. Kjo qasje e Beogradit ka dëshmuar dhe vazhdon të dëshmoj se shqiptarët e Luginës së Preshevës trajtohen si element i padëshirueshëm.

Sekretari Schick u njoftua se shqiptarët e Luginës së Preshevës nuk mund të pajtohen me statusin e qytetarit të rendit të dytë, prandaj edhe presin që në zhvillimet e reja në Bruksel, problemet e tyre të diskutohen dhe zgjidhen në tërësi” shkruan Kamberi pas takimit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë