Zyrtare: Astrit Dehari është vetëvra

Raporti i Autopsisë, i përpiluar nga grupi i ekspertëve thekson se lëndimet në në rastin Dehari ‘janë të vetëshkatuara’, që rezulton në vetëvrasje.

nuk ka pasur ndërhyrje nga jashtë, Dehari e ka vrarë vetën, Kryeprokurori Sylë Hoxha

Shkaku i vdekjes ka ardhur si pasojë e ‘asfiksisë’  mekanike nga mbyllja, apo bllokimi i rrugëve të sipërme të frymarrjes nga mjeti me konsistencë solide (të fortë).

Raporti i përfundimtar i autopsisë është dorëzuar tashmë nga ekspertë vendorë dhe ndërkombëtarë, si dhe nga vëzhguesit e familjes Dehari të cilët kanë bërë të ditura arsyet e vdekjes së aktivistit të Lëvizjes Vetëvendosje Astrit Dehari, në Qendrën e Paraburgimit në Prizren.

Këtë e ka konfirmuar edhe Kryeprokurori Sylë Hoxha gjatë një konference me gazetarë e cila ka përfunduar në ora 17:40.

Pikat e raportit mund ti lexoni më poshtë:

1. Vdekja e tani të ndjerit Astrit Dehari, ka ardhur si pasojë e asfiksisë  mekanike nga mbyllja (bllokimi) i rrugëve të sipërme të frymarrjes nga mjeti me konsistencë solide (të fortë).

2. Mekanizmi i vdekjes mund të shpjegohet me “ndaljen reflektore të punës së zemrës” (nga refleksi vazovagal), mbase edhe i shoqëruar me ngacmimin autonom të pleksusit nervor laringeal-spazëm laringeale.

3. Dëmtimet e përshkruara në pikën 1 dhe 2 me besueshmëri janë dëmtime të vetëshkaktuara “hezituese”, të cilat kanë qenë të shoqëruara me gjakderdhje të jashtme por të cilat nuk kanë çuar në shok hemorragjik.

4. Analizat toksikologjike të kryera deri tani, si gjatë autopsisë ashtu edhe pas saj, rezultojnë negative për barna dhe droga./gazetametro.net