Loading…

‘Zhdukja’ e Arben Vitisë, Agim Bahtirit e Mytaher Haskukës pas humbjes në zgjedhje

  • 23/02/2022 | 23:00

‘Zhdukja’ e Arben Vitisë, Agim Bahtirit e Mytaher Haskukës pas humbjes në zgjedhje

Zgjedhjet lokale të vitit 2021 kanë lënë jashtë pozitave udhëheqëse disa nga politikanët që për vite me radhë udhëhoqën ndër komunat më të mëdha të Kosovës.


Në zgjedhjet që u mbajtën në vjeshtë të vitit të kaluar, ishin 11 politikanë që mbetën pa ulësen e kryetarit, disa prej tyre vazhduan të jenë aktiv në skenën politike, e disa prej tyre vendosën të jenë më të rezervuar sa i përket paraqitjeve e përfshirjeve në debate për tema të caktuara.

Ndër politikanët që pas humbjes u shfaqën shumë pak në media, ishin Arben Vitia, Mytaher Haskuka dhe Agim Bahtiri.

Arben Vitia, i cili kishte lënë Ministrinë e Shëndetësisë për të kandiduar për kryetar të Prishtinës, përveç një postimi që kishte bërë më datën 14 nëntor të vitit 2021, kur është mbajtur raundi i dytë i zgjedhjeve lokale, nuk ka bërë më asnjë reagim në profilin e tij zyrtar në Facebook.

Vitia po ashtu për gjatë kësaj kohe nuk është parë as me anëtarët tjerë të Lëvizjes Vetëvendosje në ndonjë tubim.

Vitia garën në komunën e Prishtinës e kishte humbur nga kundërkandidati i tij, Përparim Rama ( LDK), i cili kishte fituar votat e mjaftueshme për udhëheqjen e komunës.

Paraqitjet e rralla në media gjatë kësaj kohe i ka pasur edhe Mytaher Haskuka, i cili pas një mandati 4 vjeçar në krye të Prizrenit, ai humbi postin e kryetarit më 14 nëntor. Humbjen Haskukës ia kishte shkaktuar kandidati i Partisë Demokratike të Kosovës, Shaqir Totaj.

Haskuka nuk ka pasur ndonjë paraqitije në debate televizive gjatë kësaj kohe, por që në llogarinë e tij zyrtare në Facebook, ka pasur vetëm disa urime për festa, së fundmi ai ka bërë një urim për festën e pavarësisë së Kosovës.

Humbja në zgjedhjet lokale, ndikuan edhe në jetën e Agim Bahtiriti, i cili derisa kishte udhëhequr me komunën e Mitrovicës, kishte lënë familjen në Holandë dhe ishte kthyer për të jetuar në Kosovës, mirëpo pas humbjes që përjetoi Bahtiri u kthy sërish për të jetuar në Holandë.

Ai zgjedhjet lokale i ka humbur nga kandidati i Partisë Demokratike të Kosovës, Bedri Hamza.

Bahiri po ashtu gjatë kësaj periudhe nuk është përfshirë në debate publike dhe nuk ka pasur ndonjë reagim për ndonjë temë të caktuar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë