Zbythet regjimi terrorist iranian, Teherani kërkon marrëveshje ‘gjithëpërfshirëse’ me Trumpin

Ministri i Jashtëm i Iranit, Abbas Araghchi, ka deklaruar të mërkurën se Teherani do të pranojë vetëm një “marrëveshje të drejtë dhe gjithëpërfshirëse” në negociatat me Shtetet e Bashkuara, që synojnë uljen e tensioneve në Lindjen e Mesme dhe zgjidhjen e konfliktit aktual, transmeton Gazeta Metro.

Ai theksoi se Irani do të mbrojë “të drejtat dhe interesat e tij legjitime” gjatë gjithë procesit negociues.

Deklaratat e Araghchit u bënë në Pekin pas një takimi me ministrin e Jashtëm të Kinës, Wang Yi. Sipas mediave iraniane, diplomati iranian përsëriti qëndrimin se vendi i tij është i hapur për dialog, por vetëm nëse rezulton në një marrëveshje të balancuar dhe gjithëpërfshirëse.

Ndërkohë, presidenti amerikan Donald Trump ka deklaruar se ka “progres të madh” në negociatat mes palëve, duke përmendur edhe një pauzë të përkohshme në operacionet amerikane për shoqërimin e anijeve në rajon si pjesë e përpjekjeve për arritjen e një marrëveshjeje. Sipas tij, kjo lëvizje synon të krijojë hapësirë për finalizimin e një marrëveshjeje të mundshme./gazetametro.net