Ylli kosovar – Fisnik Asllani me vizion të qartë: Ëndërrojmë Ligën e Kampionëve

Sulmuesi i TSG Hoffenheim, ylli kosovar, Fisnik Asllani, ka folur për mundësitë e skuadrës për t’u kualifikuar në Ligën e Kampionëve sezonin e ardhshëm, pas fitores ndaj Werder Bremen, transmeton Gazeta Metro.

Hoffenheimi siguroi tri pikë të rëndësishme në javën e 33-të të Bundesliga, duke e mposhtur Bremenin me rezultat minimal 1-0 në “PreZero Arena”. Golin e vetëm të takimit e realizoi Bazoumana Touré në minutën e 26-të.

Pas kësaj fitoreje, Hoffenheimi renditet në vendin e pestë me 61 pikë, po aq sa VfB Stuttgart që mban pozitën e katërt. Me vetëm edhe një ndeshje të mbetur, skuadra e Asllanit vazhdon të mbajë gjallë shpresat për një vend në top 4, por përveç fitores së saj, i duhet të shpresojë edhe në një hap fals të Stuttgartit në javën e fundit.

Duke folur për objektivin e Ligës së Kampionëve, Asllani u shpreh optimist, por njëkohësisht kritik për paraqitjen e ekipit.

“Ëndrra për t’u kualifikuar në Ligën e Kampionëve është ende aty”./gazetametro.net