Yahoo shkon në histori

Vendimi për shkuarjen e Yahoo’së në histori u konfirmua në raportin e kompanisë i cili u dërgua regulatorëve amerikan.

Në raport theksohen planet e sakta se si Verizon do të marrë përsipër Yahoo’në. Të përkujtojmë se Yahoo ishte shitur për 4.8 miliardë dollarë. Ndërsa kur të kryhet i gjithë procesi i transferimit – kur të dorëzohet email’i, web faqet, aplikimet e mobilit dhe veglat e reklamave, kompania merrë emër në ri – Ataba, transmeton gazetametro.net.

Emri i ri pasqyron transformimet e Yahoo’së në kompaninë holding për investimet e liderit kinez në tregëtinë elektronike, grupit Alibaba, dhe kompanisë “Yahoo Japan”, të cilat së bashku vlejnë më shumë se 40 miliardë dollarë.

Gjithashtu theksohet se shefja e deritanishme e Yahoo’së, Marissa Mayer, do të lë këtë funkcion pas bashkimit.

Përveç Mayer, nga kompania do të shkojnë edhe disa drejtorë shumëvjeçarë – bashkëthemeluesi i Yahoo’së David Filo edhe katër drejtorë të cilët për momentin janë në këshillin drejtues.

Arsyeja e shkuarjes, siç kanë thënë, nuk ka lidhje me mospajtimet në kompani apo në ndonjë filialë të saj. /gazetametro.net