Xhelal Krasniqi kandidat i Aleancës për komunën e Obiliqit

Kryetari i AAK-së, Ramush Haradinaj, ka prezantuar kandidatin e kësaj partie për kreun e Obiliqit. 

Kryetari i AAK-së, Ramush Haradinaj, ka prezantuar kandidatin e kësaj partie për kreun e Obiliqit.

Haradinaj ka shkruar në Facebook se në komunën ku Aleanca udhëheq tash e dy mandate, me shumë kujdes e përkushtim, ofrojmë kandidaturën e profesorit Xhelal Krasniqi.

“Aleanca ofron programin më të mirë zhvillimor dhe kandidatët më të përgjegjshëm në vendimmarrje dhe të pakompromis ndaj të keqes”, ka shkruar Haradinaj.

Haradinaj ka bërë të ditur se Xhelal Krasniqi ka qenë medresant si dhe ka mbaruar studime për gjuhën angleze.

“Me përkushtim jetësor në arsim, ai ofrohet për të bashkëqeverisur me qytetarët e Obiliqit, për t’i përfaqësuar më së miri interesat e tyre, në dobi të zhvillimit dhe ngritjes së mirëqenies. ”, ka shkruar Haradinaj.

Ndryshe, Xhelal Krasniqi ka përvojë 15 vjeçare në arsim, e gjithashtu merret me trajnimin e mësimdhënësve në teknologji informative.