VV’ja del e para, PDK’ja e dyta

Sipas rezultateve të studimit të realizuar nga Instituti Demokratik i Kosovës, ka dalë se të rinjtë ndërmjet moshës 17 dhe 21 vjeçare kanë deklaruar se, nëse zgjedhjet e ardhshme parlamentare do të mbaheshin nesër, 27 për qind e tyre  do të votonin për Lëvizjen VETËVENDOSJE, shkruan Gazeta Metro.

Të pyeturit, PDK e kanë radhitur të dytën me 20 për qind, ndërkaq me 13 për qind është radhitur LDK’ja, që mbetet parti e tretë.

Çka bie në sy është AKR’ja e Pacollit, e cila edhe pse nuk është në parlament, ka kaluar AAK’në dhe Nismën për Kosovën, parti këto që kishin arritur të futeshin në Kuvend në zgjedhjet e kaluara.

Për Aleancën Kosova e Re do të votonin mbi 7 përqind, ndërkaq për Aleanca për Ardhmërinë e Kosovës 7 për qind, pak vota më pak se AKR’ja. Po ashtu, Nisma për Kosovën do të merrte vetëm 3 për qind, po aq sa do të merrte edhe Lista Serbe.

Një numër i madh i të anketuarve, më saktë 18 për qind,  kanë refuzuar të përgjigjen në pyetjen se për cilën parti politike do të votonin në zgjedhjet e ardhshme.