Loading…

VV në Podujevë: Nëse s’shpejtohet ndërtimi i rrugës, do ta radikalizojmë protestën

  • 08/09/2018 | 12:48

VV në Podujevë: Nëse s’shpejtohet ndërtimi i rrugës, do ta radikalizojmë protestën

Qendra e Lëvizjes Vetëvendosje në Podujevë, thotë se si subjekt politik dhe si qytetarë të Llapit, ndjejnë obligim të ngrenë zërin dhe të kërkojnë përgjegjësi nga institucionet qendrore e lokale për rrjedhën e punimeve në magjistralen Podujevë-Prishtinë.


Në njoftimin për media të kësaj partie thuhet se përveç ngecjeve të punimeve gjë e cila po maltreton qytetarët që kalojnë çdo ditë në këtë rrugë, kemi të bëjmë edhe me devijim nga projekti fillestar i ndërtimit të magjistrales.

“Siç po shihet, Agim Veliu si kryetar i komunës, është moskokëçarës dhe shpërfillës ndaj vështirësive që kjo ngecje e punimeve në këtë magjistrale po u shkakton qytetarëve dhe bizneseve tash e sa kohë. Prandaj, ne sot protestuam dhe shprehëm indinjatën tonë ndaj organeve komunale dhe qendrore për situatën e rënduar që është krijuar në magjistralen tonë”, thuhet në njoftim.

Kjo protestë ishte e organizuar vetëm nga aktivistët e Lëvizjes Vetëvendosje.

“U bëjmë me dije organeve qendrore e komunale se nëse nuk ndërmerren masa për përshpejtim të punëve si dhe përgjegjësi e përkushtim më të madh, atëherë ne do i ftojmë qytetarët të na bashkohen në protestat e radhës duke i radikalizuar mjetet e protestës”, thuhet në njoftim.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë