Loading…

VV ende s’ka marrë vendim për asamblistin e arrestuar, qendra pritet të mblidhet së shpejti

  • 30/06/2022 | 17:58

VV ende s’ka marrë vendim për asamblistin e arrestuar, qendra pritet të mblidhet së shpejti

Asamblisti i Vetëvendosjes në Komunën e Suharekës, Liridon Fandaj, është njëri nga 11 të arrestuarit gjatë aksionit të djeshëm të Policisë për keqpërdorime të subvencioneve në Agjencionin për Zhvillimin e Bujqësisë.


Siç bën të ditur policia, të arrestuarit dyshohen se kanë përfituar subvencione përmes dhënies së ryshfetit dhe falsifikimit të dokumenteve.

Lidhur me këtë, udhëheqësi i Qendrës së VV-së në Suharekë, Salih Zyba, në një përgjigje për Telegrafin ka thënë se së shpejti do të marrin vendim për anëtarin e implikuar në këtë rast.

“Qendra e Lëvizjes Vetëvendosje në Suharekë me të marrë lajmin për arrestimin e një asamblisti tonë në rastin e ‘Subvencioneve’ është marrë me prioritet me këtë çështje. Qendra do të mblidhet sa më parë dhe konform rregullave dhe statutit tonë do të marrim vendime konkrete dhe adekuate për anëtarin e implikuar në këtë rast”, ka deklaruar Zyba.

Tutje tha se Vetëvendosje nuk do ta amnistojë rastin dhe i ka bërë thirrje gjyqësorit që ta bëjë punën e saj në mënyrë që të zbardhet i gjithë procesi.

“Nuk duam as të paragjykojmë e as të amnistojmë rastin. Subjekti ynë ka qenë dhe mbetet subjekti më i zëshëm kundër keqpërdorimeve me ‘Subvencione’, andaj është esenciale që drejtësia të vihet në vend për secilin rast, për secilin keqpërdorim eventual në sektorin e bujqësisë dhe jo vetëm. Me qeverisjen e re në nivel qendror, gjyqësorit e Policisë iu bëjmë thirrje që të bëjnë punën e tyre në mënyrë që të zbardhet rasti. Askush në Kosovë nuk do të jetë mbi ligjin”, tha Zyba.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë