VV akuzon Shpend Ahmetin për mungesë transparence

Zyrtarë të Lëvizjes Vetëvendosje në një konferencë për media që kanë mbajtur para komunës së Prishtinës, kanë akuzuar Shpend Ahmetin për mungesë të transparencës dhe rritje të ndërtimeve pa leje.

Deputeti i Lëvizjes Vetëvendosje, Sali Zyba tha se ndryshimet e sjella në Prishtinë gjatë mandatit të parë të Shpend Ahmetit  kanë qenë të dukshme dhe sipas tij Shpend Ahmeti gjatë këtij mandati po heq dorë nga programi dhe nga votuesit. Sipas tij me këtë qasje është zvogëluar transparenca ndaj qytetarëve.

Kurse, Arbër Vokrri asamblist i VV në komunën e Prishtinës tha se tani në komunën e Prishtinës është rritur numri i ndërtimeve pa leje.

Sipas tij që nga muaji maj nuk është bërë publike asnjë leje ndërtimi.

“Në komunën e Prishtinës po ndërtohet pa leje, po përmendim vetëm një shembull të investitorit ‘Albi Comerc’ për ndryshim pa leje. Ne jemi duke marr informata nga qytetarë për ndërtime pa leje në Prishtinë. Ne iu bëjmë thirrje qytetarëve që të vazhdojnë të raportojnë për raste të caktuara”, tha Vokrri.