Vucic thumbon Kosovën, veriun e quan territor të Serbisë

Presidenti i Serbisë, Aleksandar Vucic, e ka quajtur pjesën veriore të Kosovës si “territor efektiv” të Serbisë, ndërsa ka paralajmëruar se nëse vrasësi i Oliver Ivanovic është nga kjo pjesë, shteti i tij do të arrestojë atë, përcjellë GazetaMetro.net

Madje ai ka ironizuar me gjendjen e shtetit të së drejtës në pjesën tjetër të Kosovës.

Padyshim që qëllimi i qeveritarëve në Prishtinë është të hyjnë në veri të Kosovës, sepse me këtë pushojnë të gjitha arsyet për të biseduar me Beogradin, ka thënë Vucic , duke folur dominimin e krimit në veri të Kosovës, shqetësim që është ngritur nga vetë qytetarët serbë në takim me të.

Ai ka paralajmëruar se shteti i tij do të gjejë mënyrën për të reaguar ndaj shqetësimeve nga nga veriu i Kosovës, për kriminalitetin dhe korrupsionin e lartë.

“E shoh që po flitet me të madhe për kriminalitetin dhe korrupsionin në veri të Kosovës, ku gjithsesi gjendja nuk është e mirë sepse Serbia nuk ka qeverisje efektive”, ka thënë Vucic.

Ai ironizoi me gjendjen në pjesën tjetër të Kosovës, duke thënë se, “ndërkaq drejtësia dhe demokracia lulëzojnë në Prishtinë, Pejë e qytetet e tjera”.

I pyetur lidhur me rolin e Milan Radojcic në atë pjesë, Vucic ka thënë se ai person do të arrestohet nëse është vrasës, por për këtë duhet të ketë dëshmi.

“Prishtina e ka qeverisje efektive dhe udhëheqë hetimet, le të na tregojnë kush e vrau Oliver Ivanovicin. Nëse thonë se është dikush nga veriu … na jepni këtë, ne do e arrestojmë, nëse është në territorin efektiv tonin”, theksoi Vucic për televizionin serb Hepi. /gazetametro.net