Vucic: Serbia do kërkojë ekstradimin e Haradinajt

Pas arrestimit të Haradinajt në Francë, kryeministri serb Aleksandar Vucic ka paralajmëruar se Serbia do të kërkojë ekstradimin e tij me procedurë të shpejtë.

Duke u përgjigjur në pyetjet e gazetarëve, Vucic ka porositur shkurtë se janë mbledhur dëshmitë dhe se shteti do të reagojë, transmeton gazetametro.net.

“Posi që do të kërkojmë ekstradimin! Askush nuk ka të drejtë, e as unë, të rrënojë punën e Prokurorisë dhe gjyqësinë e pavarur në Serbi. Kush ka të drejtë të vendos për lirimin e tij eventual? Unë jo në asnjë mënyrë. Nëse e liron Evropa, le ta liron. Le të tregojë edhe njëherë që politika është më e fortë dhe më e rëndësishme se e drejta, e pastaj le të vijnë dhe le të më shesin mend për kapitujt 23 dhe 24”, përfundoi me arrogancë kryeministri serb.

Të përkujtojmë se aktakuza serbe i referohet, sipas tyre, krimit te liqeni i Radoniqit, i cili kinse ka ndodhur gjatë luftës në Kosovë më 1998 dhe 1999./gazetametro.net