Loading…

Vucic: Kosova u pajtua që Sekretari i RYCO të jetë serb

  • 26/03/2017 | 21:24

Vucic: Kosova u pajtua që Sekretari i RYCO të jetë serb

Zyra Rajonale për Bashkëpunim Rinor e Ballkanit Perëndimor (RYCO) do të udhëhiqet nga një serb. Kosova është pajtuar për këtë, ka bërë të ditur kryeministri i Serbisë, Aleksandar Vuçiq.


Vuçiq ka thënë për të përditshmen austriake “Der Standard” se të mërkurën është vendosur që sekretar i përgjithshëm i RYCO të jetë një serb.

Të mërkurën, zëvendësministri i Kulturës, Rinisë dhe Sportit, Rexhep Hoti, dhe Faton Peci, këshilltar i ministrit Kujtim Shala, kanë qëndruar në Berlin, ku është mbajtur takimi i Bordit Qeveritar për projektin e RYCO – projekt që derivon nga procesi i Berlinit, transmeton Gazeta Express.

Hoti ka takuar edhe këshilltarin për Çështje të Huaja dhe të Sigurisë në Kancelarinë Federale, Mr. Christoph Heusgen dhe këshilltarin e kancelares Merkel për Politikë të  Jashtme, Matthias Luttenberg, në ambientet e Kancelarisë Federale, të cilëve iu kanë thënë se projekti do të jetë i vështirë për t’u realizuar në Kosovë për shkak që vendi ynë vazhdon të mbetet i izoluar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë