Vritet terroristi i ISIS nga Gjilani, Ridvan Haqifi

Ridvan Haqifi nga Gjilani, tashmë mësohet se është vrarë gjatë luftimeve në Irak dhe Siri.

Gazeta Metro mëson se Haqifi është vrarë kohë më parë, por këto ditë familja e tij ka hapur derën për të pranuar ngushëllime.

Ndërsa Radio Televizioni i Kosovës, raporton të ketë provuar që të marrë më shumë informacione nga familja e tij, por kjo ka qenë e pamundur.

Mësohet se lajmin e kanë pranuar edhe BIK-u në Gjilan dhe Policia e Kosovës, por këta të fundit thanë për gazetametro.net se nuk e kanë një informacion.

Ridvan Haqifi, është emri i vërtetë i xhihadistit Abu Muqatil (Al Kosovi). Haqifi kishte paralajmëruar Ballkanin për luftë në emër të hakmarrjes “ndaj atyre që kanë poshtëruar myslimanët” në Kosovë, Shqipëri, Maqedoni, Bosnje, Serbi etj. /gazetametro.net