Vrasje në Gjakovë: I vendoset eksplozivi në derë, në stil të Shqipërisë

Foto nga arkiva

Në një fshat të Gjakovës ka ndodhur një vrasje, me anë të eksplozivit, i cili i ishte vendosur në derë të shtëpisë.

Bëhet e ditur se i vdekur nga shpërthimi ka mbetur Haxhi Ahmeti nga fshati Smolicë e Gjakovës.

Kryeprokurori Ali Selimaj ka bërë të ditur detajet e vrasjes, të cilat janë jo shumë të zakonta në Kosovë, edhe pse në Shqipëri pothuajse janë të përditshme.

Vrasja sipas Selimajt ka ndodhur përmes eksplozivit i cili ishte vendosur në shtyllën e derës së oborrit. Ky eksploziv ishte aktivizuar dhe ka lënë të vdekur një person.

Mësohet se kjo është vrasja e dytë brenda disa vitesh në familjen e Haxhi Ahmetit. Vëllai i Haxhisë, Ali Ahmeti para disa vitesh, ia kishte vrarë djalin viktimës së sotme.

Deri tani thuhet se ende nuk ka të dyshuar për këtë rast, edhe pse policia është duke hetuar në disa pista. /gazetametro.net