Loading…

Vrasja e boksierit në Greqi, zbardhen detajet tronditëse

  • 06/12/2021 | 22:29

Vrasja e boksierit në Greqi, zbardhen detajet tronditëse

Ekzekutimi mafioz ka tronditur Greqinë pasditen e sotme ku viktimë mbeti boksieri 35-vjeçar Haris Kontogiorgis.


Nga raportimet në mediat greke, ngjarja ka ndodhur në rrugën Ekavis, jashtë klubit sportiv të boksit “Perseus” , teksa viktima po hynte në palestër, persona të panjohur i janë afruar dhe e kanë qëlluar të paktën katër herë.

Kontogiorgis njihej me pseudonimin “Dirty Harry”, ishte një atlet me përvojë me shumë ndeshje boksi në Greqi.

Sipas informacioneve, vrasja lidhet me sulmin gjithashtu mafioz ndaj boksierit 58-vjeçar “Kefala”, në maj të vitit 2021 , jashtë një restoranti në Metomorfosi.

Në fakt, Haris Kontogiorgis ishte nipi i të vrarit “Kefala” dhe emri i tij ishte përfshirë në dosjen e vitit 2011, ku nisi një hetim i madh policor.

Kontogiorgisin u konsiderua nga “Kefala” si nip të tij megjithëse nuk kishin lidhje familjare. 35-vjeçari u rrit në skuadrën e “Kefala” që në fëmijëri.

“Kefalas” siç ishte pseudonimi i tij, ishte i njohur për autoritetet dhe më parë kishte qenë i punësuar në Departamentin e Zhvatjes në Drejtorinë e Sigurimit të Atikës. Emri i tij u përfshi në një padi të ngritur në vitin 2011 , si drejtues i një grupi që u shiste mbrojtje pronarëve të dyqaneve në zonat e Filadelfia e Re, Nea Jonia, Chalkidona, Heraklion, Metamorfosi dhe Kifisia. Në vitin 2007 ai u akuzua së bashku me tre persona të tjerë për rrëmbim dhe rrahje të një burri.

Sipas autoriteteve greke ky është një tjetër “pastrim” i një sage vrasjesh në tre vitet e fundit që kanë lënë pas 22 të vdekur.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë