Loading…

Votuan pro Kosovës në Interpol, Serbia fillon hakmarrjen ndaj Maqedonisë dhe Malit të Zi

  • 21/11/2018 | 14:23

Votuan pro Kosovës në Interpol, Serbia fillon hakmarrjen ndaj Maqedonisë dhe Malit të Zi

Mali i Zi dhe Maqedonia votuan pro anëtarësimit të Kosovës në Interpol.


Kjo nuk i ka pëlqyer aspak Serbisë, e politikanë të lartë të vendit nuk e kanë lënë pa reaguar në lidhje më këtë, shkruan gazetametro.net

Ministri i Mbrojtjes i Serbisë, Aleksandar Vulin, ka thënë se Serbia duhet të ndryshojë raportet me këto dy vende, pasi ato votuan pro anëtarësimit të Kosovës në Interpol.

Ai ka thënë se këto dy vende nuk e meritojnë miqësinë me Serbinë.

“I bëj thirrje presidentit Vuçiq ta ndryshojë raportin ndaj Malit të Zi dhe Maqedonisë, duke ua dëshmuar se duhet ta meritojnë miqësinë me Serbinë”, është shprehur ai.

“Nëse nuk e kishin guximin të votonin kundër, kanë mundur të abstenojnë dhe të dëshmojnë sa do pak çfarë u ka mbetur në raport me mendimin e Serbisë”, ka deklaruar ministri serb.

“Mali i Zi dhe Maqedonia nuk kanë votuar për Kosovën, kanë votuar kundër Serbisë. Votat e tyre nuk e ndryshuan vendimin e Asamblesë së INTERPOL-it por duhet të ndryshohet raporti i Serbisë ndaj tyre. Presidenti Vuçiq në Qeveritë e Malit të Zi dhe Maqedonisë nuk ka bashkëpuntor të sinqertë, e Serbia nuk ka miq”, është shprehur ai. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë