Volkswagen shkurton 30 mijë vende pune

Kompania gjermane e prodhimit të veturave, Volkswagen ka bërë të ditur se po planifikon të nxjerrë nga puna 30 mijë punëtorë nga fabrikat e saj në gjithë botën, për të kursyer 3 miliardë e 700 milionë eurove deri në vitin 2020.

Kompania është ende në proces të rikuperimit pas skandalit me makina që emetonin më shumë dioksid karboni në atmosferë sesa që thoshte kompania. Si rezultat, VW dëshiron ta ringjallë brendin e vet duke prodhuar vetura elektrike, raporton bbc.

Megjithatë, gjiganti gjerman thotë se do të krijojë 9 mijë vende pune në seksionet e reja për prodhimin e makinave pa shofer dhe atyre hibride.

Shefi ekzekutiv i Volkswagen, Matthias Muller tha se ky është “programi më i madh i modernizimit në historinë e kompanisë”.

“Marka jonë ka nevojë për një rifeskim qenësor dhe pikërisht këtë e kemi planifikuar ta zbatojmë në të ardhmen”, tha Muller.

Gjiganti gjerman, që ka 610 mijë të punësuar në 31 shtete të ndryshme, dëshiron ta ngrisë përqindjen vjetore të fitimit nga dy në katër përqind dhe për ta bërë këtë duhet ta rrisë prodhimin me 25 përqind vetëm në fabrikat e vendosura në territorin e Gjermanisë. /gazetametro.net