Vodhi cigare në dyqan, hajdutit nga Tirana i zbulohen edhe katër grabitje të tjera
-
02/11/2016 | 13:55
Policia e Tiranës ka prangosur një 27-vjeçar pasi akuzohet për vjedhje.
Mësohet se në pranga është vënë Adrian Shima, 27 vjeç, banues në Tiranë, i dënuar më parë për veprën penale të “Vjedhjes”.
Arrestimi i tij u bë sepse rreth orës 11:00, të datës 31.10.2016, ka hyrë në dyqanin ushqimor të shtetases V. M., duke marrë një sasi paketash cigare të markave të njohura dhe është larguar me shpejtësi nga vendi i ngjarjes.
Nga veprimet e para hetimore këtij Shimës i janë dokumentuar me prova ligjore dhe dyshohet se është autor i disa ngjarjeve të ndodhura në juridiksionin e këtij Komisariati. Më konkretisht:
Ngjarja e datës 14.03.2016, ku është vjedhur telefoni tip “Samsung S4” në pronësi të shtetases A. K.
Ngjarja e datës 03.08.2016, ku është vjedhur telefoni tip “Samsung Galaxy S3”, në pronësi të shtetases F. M.
Ngjarja e datës 13.10.2016, ku janë vjedhur 35.000 lekë, në automjetin në pronësi të shtetasit M. I.
Ngjarja e datës 23.10.2016, ku është vjedhur varësja e floririt e shtetases A. H.
Materialet proçeduriale i’u kaluan Prokurorisë prane Gjykates së Shkalles parë Tiranë për veprën penale të “Vjedhjes”.
