Loading…

Vizita e Lajcak dhe Palmer, shenjë që dialogu të merret më seriozisht nga Qeveria

  • 30/05/2021 | 16:40

Vizita e Lajcak dhe Palmer, shenjë që dialogu të merret më seriozisht nga Qeveria

Vizitën e përfaqësuesit Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajçak dhe të Sekretarit të Shtetit amerikan, Matthew Palmer,  po cilësohet si përshpejtim i procesit të dialogut.


Në një intervistë për Ekonomia Online, analisti Blerim Burjani, tha se kjo vizitë po bëhet në kohën kur Qeveria e Kosovës po ngurron të vazhdoj me procesin e dialogut.

“Vizita bëhet në situatën kur Kosova po heziton ose ka vështirësi në komunikim me faktorin ndërkombëtarë për shkak se ekziston një zvarritje dialogut dhe më shumë po zvarritet nga Prishtina, nga Kosova sesa nga Serbia, përderisa Serbia ka shprehur një gatishmëri të tillë që të rifilloj dialogu dhe në anën tjetër kemi shumë çështje të motivuara që kryeministri i Kosovës kërkon përgatitje më të mëdha të një agjende ndoshta nuk i din opinioni publik por tentativa është me shkua ngadalë. Faktori ndërkombëtar BE dhe ShBA janë bërë bashkë që të rifillojnë këto negociata Serbi-Kosovë duke i obliguar që të merren më seriozisht me temën e dialogut”.

“BE-ja ka një interes sa më shpejtë të përfundojë ky proces dhe nuk do të heq dorë nga prioriteti i saj që ajo udhëheq dialogun dhe jo ShBA-ja”.

Burjani tha se Serbia nuk është e gatshme që të përfundoj ky proces, derisa ka shtuar se Kosova ka prioritet ruajtjen e sovranitetit shtetëror.

“Kjo është ajo për çka do të vinë, ideja është se sa më parë që ky dialog të përmbyllet, përderisa Kosova po thotë që nuk është nevoja të nxitohet në këtë temë kjo është gabim këtu duhet një herë e përgjithmonë me përfundua këtë çështje sepse nuk ka kohë për të humbur Kosova”.

“Nuk ka zgjidhje pa një involvim të Shteteve të Bashkuara të Amerikës, dhe pa pasur një dokument nuk besoj që do të ketë dakordim ndërmjet dy palëve”, tha ai për EO.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë