Loading…

Vijnë reagimet pas arrestimit të Haradinajt

  • 04/01/2017 | 21:14

Vijnë reagimet pas arrestimit të Haradinajt
Arrestimi i liderit të AAK-së, Ramush Haradinaj, ka ngjallur shumë reagime nga deputetët dhe politikanët në vend.


Kryetari i Komunës së Prishtinës Shpend Ahmeti, për arrestimin e Ramush Haradinajt, në profilin e tij në facebook duke shkruar se dialogu i udhëhequr nga Presidenti Thaçi e Kryeministri Mustafa dhe kryenegociatorja Tahiri, kanë sjellë rezultate të tilla si arrestimi i Haradinajt në Francë.

“Normalizimi i marrëdhënieve i udhëhequr me aq zell nga Thaci e Mustafa dhe kryenegociatorja sjellin arrestime si kjo e Ramush Haradinaj sot. A duhet me shku në çdo shtet, me u arrestu për me i hjek “poternicat” e Serbise për çdo luftëtar që Serbia don me lujt e me përdor si kartë për me marr diçka prej neve? Kur do të mbushemi mend që s’ka normalizim me marrëdhënie nënshtrimi ndaj askujt”, ka shkruar Ahmeti.

Në lidhje me raportimin se lideri i AAK-së, Ramush Haradinaj, është ndaluar në Francë, ka reaguar deputeti i Nismës për Kosovën, Zafir Berisha.

“Ndalimi i Ramush Haradinajt në Francë me fletëarrest nga Serbia tregon se sa vlejnë rezolutat e Kuvendit Kosovës, për fat të keq rezolutat e Kosovës kanë ndikim deri te muri në Mitrovicë. “Turpi brina s’ka”… A ka qeveri ky vend a jo!? A durohen më eksperimentet që bëhen me ish-luftëtarët? Hashim, Isa e Kadri ku jeni strukë, në cilën birë të miut jeni?”, ka shkruar Berisha në Facebook.

Ndërsa, deputeti i pavarur Ilir Deda, përmes Facebook-ut ka thënë se arrestimi i Haradinajt është i papranueshëm. “Arrestimi i Ramush Haradinajt me urdhërarrest të Serbisë është absolutisht i papranueshëm. Nuk mund të ketë lista për arrest në një anë dhe “dialog për normalizim” në anën tjetër”, ka thënë Deda.

“E Qeveria e Kosovës të mbledhë mend – ose t’i shërbejë qytetarëve dhe shtetit tonë, ose të largohet”, ka thënë në fund Deda. /Gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë