Veteranët e UÇK’së reagojnë për arrestimin e Haradinajt

Organizata e Veteranëve të Luftës së Ushtrisë Çlirimtare të Kosovës, ka reaguar ndaj arrestimit të kreut të AAK-së, Ramush Haradinaj, që u bë sot nga policia franceze me urdhërarrest nga Serbia.

Ata ritheksojnë se akuzat e bëra ndaj luftëtarëve të UÇK’së deri më tani, kinse për krime lufte, kanë bazën tek, siç e kanë quajtur ata, pushtuesi serb.

“E ritheksojmë se të gjitha akuzat e bëra ndaj luftëtarëve të UÇK-së, për kinse krime lufte, kanë qenë dhe janë politike dhe bazën e kanë tek pushtuesi serb, i cili në vend se të ndiqet penalisht për krimet e gjenocidin që ia ka shkaktuar popullit shqiptar, është falur nga gjykatat vendore dhe ndërkombëtare, për shkak të kompromiseve e interesave politike.

Organizata e veteranëve kërkojnë nga Ministria e Drejtësisë së Kosovës, që të vendos sa më shpejtë kontakte me autoritetet franceze , që Haradiaj të lirohet sa më parë.

” Kërkojmë nga Ministria e Drejtësisë së Republikës së Kosovës, që të vendos sa më shpejt kontaktet me autoritetet franceze, me qëllim që z. Haradianj të lirohet sa më parë”./Gazetametro.net