Loading…

Vetëm tri shkolla në Kosovë po zhvillojnë mësim online, aktualisht 1828 nxënës janë të infektuar me virus

  • 11/02/2022 | 15:53

Vetëm tri shkolla në Kosovë po zhvillojnë mësim online, aktualisht 1828 nxënës janë të infektuar me virus

Mbi 45 mijë nxënës të moshës 12 deri në 18 vjeç janë vaksinuar me dozën e parë dhe 1828 të tjerë janë aktualisht të infektuar në Kosovë. Kurse, në skenarin online janë vetëm tri shkolla në nivel vendi, shkruan Gazeta Metro.


Kështu ka thënë zëvendësministri i MASHT’it, Dukagjin Pupovci, në një konferencë për meida i cili shtoi se sipas informatave që marrin çdo ditë nga terreni, tha se numri i nxënësve dhe mësimdhënësve të infektuar me virusin korona ka rënë dukshëm.

“Nga raporti i sotëm ne kemi vetëm 3 shkolla në Kosovë të cilat punojnë me skenarin online, në raport me 90 që i kemi pasur sot dy javë. I kemi 1828 nxënës të cilët janë aktualisht të infektuar në raport me sot dy javë ku kanë qenë 6684 të infektuar….Ndërsa aktualisht numri i mësimdhënësve të infektuar me COVID-19, është 412 në dallim me javën e kaluar ku ishin 1489 të infektuar, pra numri i mësimdhënësve të infektuar ka rënë dukshëm”, tha Pupovci.

Ndërsa numri i nxënësve të imunizuar, sipas Pupovcit nuk është aspak i kënaqshëm, në raport me atë të mësimdhënësve, kur prej tyre janë 23%, ndërsa këta të fundit 95%.

“Këtë herë i kemi edhe shifrat për nxënësit e vaksinuar, të cilat kemi arritur t’i sigurojmë falë bashkëpunimit me IKSHPK-në. Nëse merren personat e moshës 12 deri në moshën 18 vjeç me të paktën një dozë, janë të imunizuar 45,387 persona, e që nga vlerësimet e popullsisë del se janë përafërsisht 200 mijë persona, e që i bie se shkalla e vaksinimit është diku 23%, përqindje kjo e cila nuk mund të quhet e kënaqshme…Ndërsa, numri i mësimdhënësve kalon diku 95%, dhe situata aty është jashtëzakonisht e mirë”, tha ai.

Deri më sot janë dhënë 91.372 doza përforcuese dhe doza të treta të vaksinës kundër COVID-19.

Ndërsa nga 4.132 testime, 717 qytetarë kanë rezultuar pozitiv me virusin korona. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë