Veseli thotë se nëse fiton, disa institucione do t’i barte në Prizren

Kreu i PDK’së, Kadri Veseli, ka dhënë një ide sipas të cilës, disa nga institucionet qeveritare do të vendoseshin në Prizren.

Madje, në mënyrë të veçantë e ka përmendur Ministrinë e Kulturës pasi sipas tij, Prizreni është qyteti historik, shkruan Gazeta Metro.

‘Po që se unë fitoj në zgjedhjet nacionale, kam menduar se Ministrinë e Kulturës ta vendos në Prizren. Madje, edhe disa institucione të tjera’, ka thënë Veseli.

Siç thotë Veseli, qyteti i Prizrenit është i një rëndësie të veçantë, për këtë arsye ai thotë se duhet të barten disa nga institucionet e Kosovës.

Kryeparlamentari po u përgjigjet pyetjeve të lexuesve në emisionin “Komiteti” në Gazetën Express.