Veseli propozon emrin e rrugës Prishtinë – Mitrovicë (Dokument)

Kreu i Kuvendit të Kosovës, Kadri Veseli, i ka adresuar një letër me shkrim  kryeministrt të vendit, Isa Mustafa, që me rastin e 20 vjetorit të rënies së 3 pjesëtarëve të UÇK’së, Zahir Pajazitit, Edmond Hoxhës si dhe Hakif Zejnullahut rruga nacionale Prishtinë-Mitrovicë të emërohet në nder të këtyre heronjve si “Rruga e tre heronjve”.

“Duke pasur parasysh këtë kontribut, me rastin e 20-vjetorit të rënies së tyre, ju propozoj që në bazë të kompetencave tuaja si kryeministër i vendit të merrni vendimin që rruga nacioniale Prishtinë – Mitrovicë të mbajë emrin e Zahirit, të Edmondit dhe të Hakifit, “Rruga e tre heronjve”, thuhet në letrën që Veseli i ka dërguar kryeministrit të vendit.

Veseli shtoi se ”në shembullin e tyre të sakrificës, ne dhe gjeneratat e reja që do të vijnë do të gjejnë gjithmonë motivin e lartë patriotik, që të punojnë pandërprerë për forcimin e shtetit”./Gazetametro.net