Loading…

Veseli në Gjilan, diskutoi me të rinjtë për sfidat e tyre (Foto)

  • 15/04/2017 | 18:15

Veseli në Gjilan, diskutoi me të rinjtë për sfidat e tyre (Foto)

Kryetari i Partisë Demokratike të Kosovës dhe njëherësh kryetar i Kuvendit të Kosovës, Kadri Veseli ka zhvilluar sot turin e radhës të dëgjimit, me ç ‘rast në Gjilan ka takuar përfaqësues të organizatave rinore nga e gjithë Kosova.


Në takim ishin prezentë përfaqësues të organizatave rinore nga komunitetet e ndryshme që jetojnë në Kosovë dhe u diskutua për sfidat që ka rinia dhe idetë më të mira për tejkalimin e tyre.

Kadri Veseli me të rinjtë

Të rinjtë sipas një njoftimi të zyrës për media të Veselit, dhanë ide të ndryshme që lidhën me edukimin dhe punësimin, por edhe në përfshirjen e tyre në vendimmarrje. Ata theksuan nevojën që komunat, por edhe Qeveria të rrisin fondet për organizatat rinore në mënyrë që ato të avokojnë më shumë për çështjet e rinisë. Një nga sfidat kryesore u theksua edhe mungesa e Ligjit për Vullnetarizmin, që do ta njihte si përvojë, punën vullnetare të te rinjve.

Kadri Veseli me të rinjtë

Arton Musliu nga Organizata ‘Demokracia’ nga Vitia ka thënë se dëshiron se edukimi është një prej sfidave më të mëdha të rinisë.

“Një problem tjetër me të cilin përballemi ne si shoqëri është një sistem jo i qëndrueshëm dhe efikas i sistemit gjyqësor dhe prokurorial, sepse ky e zhvillon shtetin si shoqëri dhe çështja e tretë është konkurrenca. Në Kosovë sot nuk ka konkurrencë”, ka thënë ai.

Hanife Osmani nga  Organizata “Akces” ka thënë se femra duhet të jetë më e përfaqësuar.

“Femrat e reja në shoqëri duhet përkrahur me fondacione në mënyrë që të jenë më të përfaqësuara dhe pjesëmarrëse në vendime”, ka thënë ajo.

Nga ana e tij, kryetari Veseli tha se të rinjtë duhet të jenë sa më aktivë në jetën publike dhe të kërkojnë që të drejtat e tyre dhe kërkesat të realizohen nga vendimmarrësit.

“Kisha pasur dëshirë qe 60 për qindëshi i Kosovës të merr përgjegjësi më shumë, me qenë më proaktiv dhe me kriju më shumë presion, i cili është pozitiv i cili i ngrit shqetësime të cilat janë. Unë po ju thërras që të mos heshtni, bëhuni kritik”, ka thënë ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë