Te Mali i Zi për liberalizimin e vizave

Kosova po mundohet të gjej forma të ndryshme që ta evitojë demarkacionin si kusht për liberalizimin e vizave, pasi për kalimin e demarkacionit në Kuvend nuk po arrihet të gjendet asnjë mundësi.

Kryetari i Kuvendit Kadri Veseli, sot pas mbledhjes së Kryesisë, ka bërë të ditur se i kanë kërkuar Malit të Zi t’i thotë BE-së se Kosova nuk ka anjë problem me këtë republikë fqinje.

Nga Mali i Zi dhe BE kërkojmë që demarkacioni mos të jetë kusht për Kosovën, Kadri Veseli

“Presim që bartësit më të lartë institucional në Mal të Zi do të kërkojnë nga BE që demarkacioni mos të jetë kusht për Kosovën. E kemi kërkuar zyrtarisht nga ta, që të thuhet se Kosova nuk ka asnjë problem me Malin e Zi”, ka thënë Veseli, transmeton gazetametro.net.

Tutje kryetari i Kuvendit, ka thënë se demarkacioni është bërë histori e gjatë që po dëmton kosovën e qytetarët e vet.

“Po rrezikojmë mos integrimin për bllokim të padrejtë të një kushti të një kushti të padrejtë”.

Ai gjithashtu ka bërë të ditur se të enjtën është vazhdim i seancës e të premten seancë e re e Kuvendit./gazetametro.net