Veseli: Mungesa e unitetit rrezikon ndarjen e Kosovës

Kryeparlamentari Kadri Veseli, ka dalë me një videomesazh për partitë politike sa i përket unitetit rreth dialogut të Kosovës me Serbinë.

Veseli ka thënë se dialogu me Serbinë nuk është i lehtë, por ai duhet të ndodhë duke pasur një unitet nga partitë politike në Kosovë, njofton gazetametro.net.

Tutje kryetari i Kuvendit ka thënë se mungesa e unitetit rrezikon ndarjen e Kosovës, andaj duhet që urgjentisht që  partitë politike të kenë unitet dhe të përmbyllet ky kapitull me Serbinë.

Postimi i plotë i Veselit:

Të dashur qytetarë,

Kosova po kalon nëpër sfida të mëdha dhe nga vendimet tona sot varet e ardhmja e saj. Mungesa e unitetit rreth Dialogut po e dëmton vendin tonë. Nuk duhet lejuar që t’i humbim partnerët tanë ndërkombëtarë, me të cilët kemi ardhur bashkë deri këtu, SHBA-në dhe BE-në. Është koha për unitet dhe maturi./gazetametro.net