Loading…

Veseli: Kosova po ndërton ura fizike dhe miqësie me vendet fqinje

  • 29/05/2019 | 14:02

Veseli: Kosova po ndërton ura fizike dhe miqësie me vendet fqinje

Kryetari i Kuvendit të Republikës së Kosovës, Kadri Veseli, tha sot në ceremoninë e hapjes së segmentit R6 të autostradës “Arbën Xhaferi” në Han të Elezit, se Republika e Kosovës pas dy dekadash po dëshmon se është faktor stabiliteti në rajon, duke ndërtuar ura fizike por edhe miqësie me vendet e rajonit, transmeton Gazeta Metro.

Veseli tha se Kosova po ndërton rrugë dhe ura që lidhin bashkëqytetarët dhe vendet tona, Republikën e Kosovës me Republikën e Shqipërisë dhe atë të Maqedonisë së Veriut, e po ashtu së shpejti edhe me Malin e Zi, nëpërmjet një projekti shumë të madh infrastrukturor.

Veseli tha se ky është interes strategjik dhe ekonomik i Kosovës.

“Ne po lidhemi edhe me urat e miqësisë, të bashkëpunimit e të fqinjësisë së mirë”, theksoi kryeparlamentari Veseli.

Duke ju drejtuar kryeministrit të Maqedonisë së Veriut dhe atij të Malit të Zi, të cilët ishin prezentë në këtë inaugurim, kryetari i Kuvendit tha se te Kosova gjithmonë do të gjejnë një partner të veçantë, të sinqertë dhe bashkëpunues me shtetet dhe popujt e tyre.

Ai shtoi se orientim i Kosovës do të jetë zhvillimi ekonomik, shteti ligjor, sundimi i ligjit, lufta kundër krimit dhe korrupsionit.

“Sot të gjithë po e shohin se Kosova jo vetëm po qëndron financiarisht dhe ekonomikisht, por ajo është e fuqishme të bëjë mrekulli. Falënderoj edhe të gjithë përfaqësuesit e vendeve mike të Kosovës, ambasadorin e SHBA-ve, Kosnet dhe secilin ambasador të secilit vend mik. Keni besim në shtetin e Kosovës. Kosova është një vend demokratik, ku sundon ligji. Ajo do të jetë përherë mirënjohëse dhe partnere e juaja”, theksoi kryeparlamentari Veseli./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë