Loading…

Veseli: Fillimi i Ri, për rini që krijon vende pune

  • 24/05/2017 | 14:08

Veseli: Fillimi i Ri, për rini që krijon vende pune

Kryetari i Partisë Demokratike të Kosovës, Kadri Veseli, është pritur të mërkurën nga qindra studentë në Bibliotekën Kombëtare në Prishtinë. 


Ai para tyre  tha se fuqizimi i rinisë dhe gruas është koncepti bazë i Fillimit të Ri. Dhe për  t‘u bërë kjo, tha Veseli, duhet të ecët më shpejt, reforma të thella dhe vendim-marrje e guximshme.

“Kosova nuk ka mundësi të hupë në kohë. Kosova duhet të ecë shumë shpejt përpara. Dhe koncepti i Fillimit të Ri keni parasysh cili është; fuqizimi në mënyrë të veçantë i rinisë dhe gruas. Fuqizimi i rinisë dhe ecja përpara e reformave ekonomike. Ne duhet që vendin tonë fuqishëm dhe shumë shpejt, me një vizion i cili është shumë i qartë, me parametra që janë shumë matës, me vendim-marrje e cila është e guximshme, ta transformojmë Kosovën tonë, nga një Kosovë e cila sot është konsumuese, në një Kosovë e cila është prodhuese”, ka thënë ai.

Kreu i PDK-së tha po ashtu se Fillimi i Ri nuk synon që vetëm të krijojë mundësi për punësim për të rinjtë, por synon që të zhvillojë rininë në mënyrë që ajo të krijojë vende të lira pune.

“Fillimi i Ri nuk është një koncept i cili ju gjen juve vetëm vende të lira pune. Rinia duhet të krijojë , rinia inovative, rinia e përgjegjshme, rinia e fuqishme, atë të cilën e njoh unë, duhet të krijojë vende të lira pune. Kjo është ajo që do të fokusohemi në konceptin e Fillimit të Ri. Mendoni qysh nga tani, përfitoni nga përvojat të cilat i keni nga aspekti studimor, mundoheni të zhvilloni idetë e juaja, bëhuni bashkë, një, dy, tre, filloni një startup”, deklaroi Veseli para studentëve.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë