Vendoset data e zgjedhjeve në Shqipëri

Me 18 qershor të vitit të ardhshëm, shqiptarët do të mund të vendosin për përbërjen e re të parlamentit dhe qeverisë. Kjo është data zyrtare, të cilën e ka dekretuar presidenti i Shqipërisë, Bujar Nishani.

Dekreti për zgjedhjet bëhet në mbështetje të nenit 92 dhe 93 të Kushtetutës dhe nenit 9 të Kodit Zgjedhor të Republikës së Shqipërisë.

Lexoni të plotë dekretin e presidentit:

Në mbështetje të nenit 92 shkronja “gj” dhe 93 të Kushtetutës së Republikës së Shqipërisë, si dhe të nenit 9, paragrafi 1 dhe 2, të ligjit nr. 10019, datë 29.12.2008 “Kodi Zgjedhor i Republikës së Shqipërisë”,

D e k r e t o j

Neni 1

Zgjedhjet për Kuvendin të zhvillohen ditën e diel, më datë 18 qershor 2017.

Neni 2

Ky dekret hyn në fuqi menjëherë.

Nr. Dekreti 9883
Tiranë më 05.12.2016
PRESIDENTI I REPUBLIKËS
BUJAR NISHANI