Vendose rripin dhe le telefonin: Policia bjen në kanal

Dje apeluan qytetarët e Kosovës të vendosin rripin e të lënë telefonat, por mëngjesin e sotëm vetura e Policisë së Kosovës vet ra në kanal, shkruan Gazeta Metro.

Një veturë e Policisë së Kosovës është vetaksidentuar në orët e hershme të mëngjesit të sotëm në magjistralen Pejë-Prishtinë, përkatësisht tek Parku i Biznesit.

Në pamjet e siguruara nga redaksia jonë, shihet se vetura ka përfunduar jashtë rrugës.

Njësitet policore kanë dalur në vendin e ngjarjes, ndërsa raportohet për dy policë të lënduar lehtë.

Kujtojmë se ditëve të fundit në vendin tonë është shtuar dukshëm numri i aksidenteve, e edhe i atyre me fatalitet.

Afër 100 aksidente ndodhën vetëm dy ditë më parë në Kosovë, ku në gjithsej prej tyre vdiqen dy persona dhe u lënduan 33 të tjerë./gazetametro.net