Vendi të shkojë në zgjedhje

Grupi Parlamentar i AAK-së, ka thënë se koalicioni qeveritar nuk i ka numrat për tema të rëndësishme për Kosovën, prandaj duhet shkuar në zgjedhje.

Në një komunikatë për media të AAK-së thuhet se shumica parlamentare po sillet si pakicë, duke mos pasur në vazhdimësi numrin e nevojshëm të deputetëve të vet në seanca.

“Edhe sot u pa shumë kjart se ky koalicion nuk mund të vazhdojë tutje…edhe pse tenton të shfaqë arrogancën e numrave, në mungesë të tyre, mazhoranca po shfaqet vobektesinë dhe nuk është në gjendje të marrë asnjë vendim”.

“Rasti konkret është Ligji për liritë fetare i cili është në plotësim ndryshim, e para nuk ka asnjë ndryshim nga i kaluari dhe e dyta duke qenë se për këtë ligj duhen dy të tretat e deputetëve poashtu edhe dy të tretat e komuniteteve të përfaqësuara në Kuvend, këta sillen sikur i kanë të gjitha votat, a në realitet nuk kanë as kuorum për séance”, thuhet në komunikatën e AAK-së.

Grupi Parlamentar i kësaj partie vlerëson se zgjedhjet duhet të mbahen sa më shpejtë.

“Po kuptohet dita ditës së zgjedhjet e parakohshme nuk janë më vetëm ‘dëshirë’ siç disa po tentojnë ta interpretojnë, po nevojë dhe për këtë duhet të veprojmë sa ma parë”.

“Subjektet politike parlamentare, nuk duhet të jenë të kënaqura me mënyrën se si po funksionon kuvendi dhe qeveria, deputetët të shfrytëzojnë të drejtat e tyre kushtetuese për shpërndarjen e Kuvendit të Kosovës e t’i  kthehemi vlerësimi qytetarë, kështu e thotë demokracia”, thuhet në komunikatë./gazetametro.net