Vdes i dyshuari për plagosjen e dy grave në Fushë-Kosovë

I dyshuari për plagosjen e dy grave, nënë e bijë në Fushë-Kosovë, ka vdekur pak minuta më parë në QKUK.

Lajmi është konfirmuar për media nga Ejup Govori, mjeku kujdestar në Emergjencë.

Pak më parë, Klan Kosova raportoi se i dyshuari është gjetur i plagosur në një arë të një fshati të Fushë-Kosovës me dy plagë nga arma e zjarrit nën brinjë.

I njëjti është transportuar me shenja jete në Emergjencën e SHSKUK-së nga stafi i emergjencës së Fushë-Kosovës.

Klan Kosova ka provuar të marrë konfirmimin edhe nga Policia e Kosovës, por të njëjtit deri më tani nuk kanë kthyer përgjigje.

Incidenti dyshohet të ketë ndodhur si pasojë e një mosmarrëveshjeje pronësore.

I dyshuari u gjet i plagosur rëndë në një arë, dhe u dërgua në QKUK.