Loading…

Vazhdon të zgjerohet Kryesia e PDK’së, këta janë emrat e rinj

  • 22/03/2017 | 15:30

Vazhdon të zgjerohet Kryesia e PDK’së, këta janë emrat e rinj

Kryesia e Partisë Demokratike të Kosovës, ditëve të fundit është rritur për nga numri i anëtarëve.


Flora Brovina, nënkryetare e këtij subjekti ka konfirmuar për ‘Indeksonline’, emrat me të rinj të Kryesisë se PDK-së.

“Blerta Deliu- Kodra, Ganimete Musliu, Drita Kadriu janë vetëm disa nga anëtaret me të reja të Kryesisë. Ka edhe anëtare tjera, por qe për momentin nuk po më kujtohen dhe nuk dua të ju hy në hak”, ka thënë Brovina.

Deputetja e PDK-së, poashtu ka konfirmuar raportimet në media se në Kryesi janë futur edhe Abelard Tahiri, Kadri Kastrati dhe Lirak Çelaj.

Ajo ka bërë me dije se asnjë largim nuk ka pasur nga Kryesia.

Brovina poashtu ka folur edhe për Konventën e PDK-së, e cila do të mbahet këtë të shtunë.

“Ne para Konventës kemi bërë disa punë, i kemi vizituar të gjitha degët, kemi marrë vërejtje për statutin e partisë të cilin duhet ndryshuar. Kemi pas takime më Këshillin Qendror”, ka shtuar Brovina.

Ajo ka thënë se temë e Konventës nuk do të jenë çështje si demarkacioni, ushtria dhe zgjedhjet e jashtëzakonshme.

Megjithatë e ka pranuar se ato mund të ngritën nga ndonjë anëtaret e Kuvendit.

Vendimi për mbajtjen e Konventës se PDK-së, ishte marrë para më shumë se një muaji në mbledhjen e Këshillit të Përgjithshëm të PDK-së.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë