Vazhdon numërimi i votave nga KQZ: Këto janë rezultatet e fundit dhe linku zyrtar

Komisioni Qendror Zgjedhor ka vazhduar me numërimin e votave për zgjedhjet e 6 tetorit, kështu duke numëruar 96.98% të votave deri tani, shkruan Gazeta Metro.

Lëvizja Vetëvendosje vazhdon të kryesojë me një diferencë prej 5478 vota më shumë se vendi i dytë, LDK.

LVV momentalisht ka 199.271 vota apo 25,70%, kurse LDK është e dyta me 193.793 të votave apo 24.99%.

PDK-ja vazhdon të mbes partia e tretë nga këto zgjedhje me 163.777 vota apo 21,12% të numëruar deri më tani.

Në vend të katërt po ashtu i pandryshuar mbetet koalicioni AAK-PSD me 11,63%. Pas tyre është Lista Serbe me 6,20% dhe i fundit, që rrezikon pragun zgjedhor, është koalicioni Nisma Socialdemokrate – Aleanca Kosova e Re – Partia e Drejtësisë me 4,90%.

Duke klikuar në këtë LINK ju mund t’i shikoni live rezultatet zyrtare nga KQZ./gazetametro.net