Vazhdon nënshkrimi i peticionit për Deharin

Ditën e sotme do vazhdojë mbledhja e nënshkrimeve për peticionin që kërkon drejtësi për vdekjen e aktivistit të Lëvizjes Vetëvendosje Astrit Dehari. Kjo nismë do vazhdojë në qytetin e Gjakovës, Podujevës, dhe Ferizajit.

Deri më sot, për katër ditë, janë mbledhur rreth 18 mijë nënshkrime të qytetarëve.

Peticioni është përgatitur nga shoqëria civile mbi disa pika; hetim të pavarur dhe transparent për rastin, dorëheqjen e udhëheqësve të Ministrisë së Drejtësisë dhe Ministrisë së Punëve të Brendshme për mosgatishmërinë morale dhe ligjore për të kërkuar dhe dhënë përgjegjësi, që kryesia e Kuvendit të Kosovës në bazë të Nenit 38 të thërrasë mbledhje të jashtëzakonshme për rastin e Astrit Deharit.

Familja Dehari dhe Lëvizja Vetëvendosje kanë shfaqur vazhdimisht kundërshtimin e tyre për versionin e ofruar nga raporti zyrtar i autopsisë ku thuhet se Dehari vdiq si pasojë e asfiksisë së vetshkaktuar./gazetametro.net