Loading…

Vazhdojnë kohërat e vështira për Juventusin, mposhtet nga Atalanta

  • 27/11/2021 | 20:02

Vazhdojnë kohërat e vështira për Juventusin, mposhtet nga Atalanta

Ka përfunduar derbi në stadiumin “Allianz” mes Juventusit dhe Atalantas, ku kjo e fundit ka arritur të arkëtoj pikët e plota.


Kriza me rezultate negative te gjigandi italian Juventus po vazhdon, ku sot ka pësuar humbje me rezultat minimal 1:0 kundër Atalantas, përcjell KosovaPress.

Golin e vetëm në ndeshje, dhe të fitores për Atalantan e shënoi sulmuesi Duvan Zapata në minutën e 28’ të ndeshjes, pas një asistimi të mbrojtësit shqiptar Berat Djimsiti.

Humbja e sotme është e dyta radhazi për “Zonjën e Vjetër”, ku të martën u mposht me rezultat të thellë 4:0 si mysafirë i Chelseat në kuadër të Ligës së Kampionëve.

Me tre pikët e reja, Atalanta zë vendin e katërt në tabelë me gjithsej 28 pikë, aq sa ka edhe Interi në pozitën e tretë.

Në anën tjetër, Juventusi vazhdon formën e dobët në këtë sezon, ku pas 14 ndeshjeve ka arkëtuar 21 pikë dhe pozicionohet në vendin e tetë në tabelë.

Rezultati final i ndeshjes mes Juventusit dhe Atalantas është 1:0 në favor të mysafirëve.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë