Varrosen sot dy fëmijët shqiptarë që vdiqën në aksident në Serbi
-
29/11/2016 | 10:54
Ditën e sotme do të varrosen dy fëmijët shqiptarë njëri 5 e tjetri 8 vjeç, që vdiqën në aksident trafiku në Serbi teksa po ktheheshin nga Austria me familje në Kosovë për pushime.
Këtë gjë e bëri të ditur familja Dvorani përmes një njoftimi.
“Familja Dvorani nga fshati Terrstenik, Komuna e Drenasit njofton familjarët miqtë dhe bashkëqytetarët se varrimi i dy djemve tanë do të bëhet të martën në ora 14:00, në varrezat e fshatit Terrstenik. Muhamet A. Dvoranit – 8 vjeç dhe Mendim A. Dvorani – 5 vjeç kanë humbur jetën në një aksident në Novi Sad derisa ishin duke ardhur në vizitë në Kosovë, nga Austria”, thuhet në njoftimin e bërë nga familja e dy fëmijëvë të ndjerë
“Pjesëmarrja e juaj është ngushëllim dhe respekt për ne”, thuhet në fund të njoftimit./gazetametro.net
