Loading…

Ukrainasit zmbrapsin rusët në Kherson, sulmojnë Belgorod në Rusi dhe Kerch në Krime

  • 18/08/2022 | 21:11

Ukrainasit zmbrapsin rusët në Kherson, sulmojnë Belgorod në Rusi dhe Kerch në Krime

Distrikti jugor i Komandës Operative të Forcave të Armatosura të Ukrainës tha se forcat ukrainase vranë 29 “pushtues” dhe shkatërruan artileri, automjete të blinduara dhe një depo furnizimi ushtarak.


Në Ukrainën jugore, forcat e Kievit zmbrapsën një tentativë avancimi nga forcat ruse pranë qytetit Bilohirka, në verilindje të Hersonit, tha analisti ushtarak ukrainas, Oleh Zhdanov.

Pretendimet nuk janë konfirmuar në mënyrë të pavarur.

“Që nga muaji i kaluar, forcat ruse kanë arritur përparime minimale, dhe në disa raste ne kemi përparuar”, tha në një video-mesazh këshilltari presidencial ukrainas, Oleksiy Arestovych. “Ajo që po shohim është një ‘ngërç strategjik’”.

Të enjten mbrëma janë raportuar bombardime ukrainase në Krime që kontrollohet nga rusët që më 2014’n. Kundërajrorët rus raportohet të jenë aktivizuar në qytetin e vjetër Kerch në lindje të gadishullit.

Poashtu ka raporte se depo armatimi në qytetin rus Belgorod po digjen dhe ka shpërthime masive. Ky qytet rus gjendet në rajon kufitar me Ukrainën, dhe është një pikë kyçe logjistike për furnizimin  e forcave ruse në Ukrainë. Kjo nuk ishte hera e parë që ishte cak i forcave ukrainase./gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë