U tha se dha dorëheqje nga presioni politik: Drejtoresha e Gjimnazit ‘Frang Bardhi’ sot e priti në takim Agim Bahtirin

Dje u raportua se drejtoresha e Gjimnazit ‘Frang Bardhi’, Zybejde Gogoli-Latifi, kishte dhënë dorëheqje ditë më parë nga pozita e saj për shkak të presioneve politike për regjistrim të nxënësve, por ajo sot është parë në një takim me Kryetarin e Mitrovicës, Agim Bahtirin, i cili kishte shkuar për vizitë në këtë shkollë, transmeton Gazeta Metro.

Gjatë ditës se djeshme u raportua se Zybejde Gogoli-Latifi, drejtoresh në Gjimnazin ‘Frang Bardhi’ i kishin shkuar listat e gatshme e nxënësve për pranim nga njerëz me influencë në Komunën e Mitrovicës. Dhe se kjo ishte arsyeja që drejtoresha kishte dhënë dorëheqje.

Me tej thuhej, se lista që e çoi deri në dorëheqje drejtoreshën, ishte përgatitur pas afateve dhe ishte me emra të nxënësve që nuk kishin plotësuar kriteret e konkursit që ishte shpallur disa javë më parë.

Por e gjithë kjo del të mos jetë e saktë, pasi sot drejtoresha Zybejde Gogoli-Latifi, e Gjimnazit ‘Frang Bardhi’ në Mitrovicë është parë në zyrën e saj në një takim më Agim Bahtrin, nga vizita që ky i fundit i ka bërë këtij gjimnazi.

Ndryshe, vizitën dhe takimin e Agim Bahtirit, kryetarit të Mitrovicës me drejtoreshën në fjalë, mund ta shini edhe ne fotot dhe statusin e Komunës se Mitrovicës për këtë takim që është zhvilluar sot./gazetametro.net