U mbyt në liqenin e Pogradecit, gjendet trupi i 32-vjeçarit

Një 32-vjeçar nga Liboniku i Maliqit ka humbur jetën pasi dyshohet se ra në ujërat e liqenit të Pogradecit gjatë pasdites së sotme, përcjell Gazeta Metro.

Pas kërkimeve të ekipeve të emergjencës, trupi i të riut është nxjerrë nga liqeni dhe është dërguar në morgun e Spitalit të Pogradecit.

Sipas informacioneve të para, viktima ishte në një varkë pedalinë bashkë me dy persona të tjerë, rreth 150 metra larg bregut. Dyshohet se gjatë kohës që po qëndronin në varkë, ai ka rënë në ujë.

Mësohet se 32-vjeçari nuk ishte notar i mirë dhe pas rënies në liqen nuk ka arritur të qëndrojë në sipërfaqe. Dy personat që ishin me të nuk kanë mundur ta shpëtojnë.

Policia ka nisur hetimet për të përcaktuar saktësisht se si ndodhi ngjarja./gazetametro.net

Tragjedi në Pogradec: Humb jetën 32-vjeçari pasi u hodh nga varka në liqen