Loading…

Tretelina, ëmbëlsira delikate që duhet ta provoni

  • 30/11/2021 | 17:24

Tretelina, ëmbëlsira delikate që duhet ta provoni

Ëmbëlsirave është vështirë t’u thuash jo, edhe kur je i ngopur pas një dreke të plotë.


AgroWeb.org ka publikuar shumë receta të ndryshme sa tradicionale po aq edhe modern e të kuzhinës së re.

Kjo që sjellim për ju sot është një ëmbëlsirë e cila i ngjason kekut por shija është më e pasur.

Ndiqni hapat e përgatitjes dhe shijojeni që sot tretelinëv e  butë dhe delikate.

PËRBËRËSIT

4 vezë

1 filxhan vaj

4 filxhanë sheqer

7 filxhanë miell

3 filxhanë kos

1 pako pluhur për pjekurina

16g vanilje

16 kokrra qershi reçel

PËRGATITJA

Si fillim AgroWeb.org ju këshillon që të thyeni vezët në një tas dhe t’i rrihni me sheqerin.

Masa që do të formohet duhet të jetë kremoze, pak e ngjitshme dhe me ngjyrë të verdhë të lehtë.

Kur të siguroheni që sheqeri të jetë tretur plotësisht, shtoni kosin, vaniljen dhe pluhurin për pjekje.

Në fund e ka radhën mielli, të cilin AgroWeb.org ju këshillon që ta sitni para se ta bashkoni me përbërësit e tjerë.

Duke e situr miellin ju bëni të mundur që buka e ëmbëlsirës të jetë poroze dhe e butë.

Shtojeni miellin duke e ndarë në 2-3 pjesë, kështu siguroheni që nuk mbeten pjesë të patretura të tij.

Kalojeni më pas brumin e kekut në tavën e shtruar me letër pjekjeje dhe përhapeni mirë.

Ky hap nuk duhet të anashkalohet pasi mundëson pjekjen e duhur të ëmbëlsirës.

Nëse brumi në një anë është i trashë dhe në pjesën tjetër të tavës është i hollë, pjekja nuk do të jetë neutrale.

Pasi të keni mbaruar me përhapjen e brumit, zhysni brenda tij kokrrat e qershive reçel për t’i dhënë edhe shijen unike tretelinës së ëmbël.

Piqeni ëmbëlsirën në furrë të ngrohur me 180 gradë duke e lënë për 30-40 minuta.

Sapo sipërfaqja e tij të ketë marrë një ngjyrë të artë, bëni provën me thikë për të parë nëse edhe brenda pjekja është mirë.

Më pas mjafton që ta lini të fothet pak dhe ta shijoni me familjarët tuaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë