Loading…

Tragjedia në maratonë, 21 vrapues vdesin duke ngrirë së ftohti

  • 24/05/2021 | 18:44

Tragjedia në maratonë, 21 vrapues vdesin duke ngrirë së ftohti

Mund të cilësohet si tragjedia më e madhe e ndodhur në historinë e vrapit, edhe në variantin e tij ekstrem. Sipas autoriteteve kineze, të paktën 21 vrapues që po merrnin pjesë në një ultramaratonë, siç quhen të gjitha garat që zgjasin më shumë se 42 kilometrat tradicionalë, kanë ndërruar jetë për shkak të kushteve klimaterike.  


Pjesëmarrësit në total ishin 172, dhe po tentonin të vraponin 100 kilometra në të ashtuquajturin “Pylli prej Guri” pranë Lumit të Verdhë, në një zonë e izoluar të provincës së Gansusë.

Sipas organizatorëve, ende të shokuar për tragjedinë, kushtet klimaterike në zonën malore ndryshuan në mënyrë pothuajse të menjëhershme, dhe atletët me pantallona të shkurtra dhe bluzë u përballën me një stuhi të akullt shiu, si dhe një ulje temperaturash drastike.

Kushte që gjetën në befasi jo vetëm vrapuesit pa eksperiencë, por edhe një atlet të njohur si Liang Jing, tre herë fitues i kësaj disipline ekstreme.

Qeveria kineze organizoi në pak kohë një ekip shpëtimi prej 1200 personave, duke gjetur shumicën e atletëve në gjendje shumë të vështirë fizike dhe psikologjike. Një hetim i detajuar ka filluar për të përcaktuar shkaqet, mos organizimi, nënvlerësimi i ndryshimeve të motit, fati i keq, apo të gjitha këto bashkë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë