Therje me thika në Prishtinë: Dy persona në gjendje të rëndë në QKUK
-
16/08/2019 | 08:11
Dy persona kanë pësuar lëndime të rënda, pas një therje me thikë që ka ndodhur mbrëmë rreth orës 22:00, në lagjën Arbëria në Prishtinë, shkruan Gazeta Metro.
Rastin e ka konfirmuar edhe Policia e Kosovës, e cila njofton se dy të lënduarit janë dërguar në QKUK.
Njoftimi i plotë:
“Me 15.08.19 rreth orës 22:00, në rrugën “Ahmet Derguti” të lagjes Arbëria ka ndodhur një rrahje në mes të disa personave. Si pasojë e rrahjes dy persona kanë pësuar lëndime, dyshohet se personat kanë pësuar lëndime të rënda nga mjeti i ftohtë thikë. Njësitet policore kanë dalë menjëherë në vendin e ngjarjes dhe janë duke kryer hetime intensive lidhur me rastin, përderisa dy personat e lënduar janë duke u trajtuar ne QKUK”, thuhet në njotimin e policisë./gazetametro.net
