Thaçi vlerëson lartë kontributin e Afrim Zhitisë dhe Fahri Fazliut

Presidenti i Kosovës Hashim Thaçi ka vlerësuar lartë kontributin e dy aktivistëve të rezistencës Afrim Zhitia dhe Fahri Fazliu.

Ai, gjatë ditës së sotme bashkë me familjarët e Zhitisë dhe Fazliut, vizitoi vendin e rënies heroike të tyre.

Për këtë vizitë Thaçi tregoi përmes një publikimi në rrjetin social Facebook, duke shkruar se “idealet dhe heroizmi i Zhitisë dhe Fazliut shërbeu si shembull për shumë të rinj se si duhet dhe mbrohet atdheu”.

Postimi i plotë i presidentit Thaçi në Facebook

Sot bëra homazhe tek vendi i rënies heroike të dy aktivistëve të rezistencës sonë, Afrim Zhitisë dhe Fahri Fazliut.

Kontributi i tyre në organizimin e Lëvizjes Popullore ishte i pazëvendësueshëm.

Me bacën Osman, babanë e Afrimit, me Fadilin, vëllain e Fahriut, si dhe me bashkëveprimtarë të tjerë, ndamë edhe kujtime për rezistencën tonë të asaj kohe.

Idealet e larta dhe heroizmi i Afrimit dhe Fahriut shërbeu si shembull për shumë të rinj se si duhet dhe mbrohet atdheu!