Thaçi dekoron Ashton’in
-
17/01/2017 | 17:21
Catherine Ashton ish-përfaqësuesja e lartë e BE-së, është takuar me Presidentin Hashim Thaçi.
Me këtë rast, presidenti ka dekoruar baroneshën Ashton me Medaljen Presidenciale të Meritave.
“Baroneshën Catherine Ashton e dekorova me Medaljen Presidenciale të Meritave për kontributin e saj në dialogun për normalizimin e marrëdhënieve ndërmjet Kosovës dhe Serbisë, si dhe për përafrimin e Kosovës me BE-në”, ka thënë Thaçi.
Përfaqësuesja e lartë e Bashkimit Evropian, Catherine Ashton, udhëhoqi procesin e normalizimit për një kohë të gjatë.
Ajo kishte deklaruar se ndër sukseset më të mëdha të saj ishte arritja e marrëveshjes ndërmjet Kosovës dhe Serbisë në vitin 2013.
Ashton në Kosovë ka ardhur me ftesë të Presidentit Thaçi.
Rekomandime
Më të fundit
Të tjera
