Thaçi përkujton viktimat e Reçakut

 Presidenti i vendit, Hashim Thaçi, ka bërë homazhe Kompleksin Përkujtimor në Reçak, me ç’rast është bërë edhe zbulimi i shtatores së ish-ambasadorit William Walker.

“Sot bëra homazhe në Kompleksin Përkujtimor në Reçak dhe në shenjë nderimi për kontributin e ish-ambasadorit William Walker në sensibilizimin e opinionit ndërkombëtar për të vërtetën e Reçakut dhe për lirinë e Kosovës, zbuluam edhe shtatoren e tij.

Gjithmonë do t’i kujtojmë viktimat dhe do ta nderojmë heroizmin e pashoq të popullsisë sonë, duke nderuar edhe ata që na përkrahen.

Sot çdo qytetar i vendit duhet të ndjehet mirë, sepse ka atributet e një çlirimtari. HTH”- ka shkruar Thaçi në Facebook.