Thaçi përjashton partitë nga reforma zgjedhore

Presidenti Hashim Thaçi ka formuar një nëngrup punues për reformën zgjedhore dhe në të nuk ka përfshirë asnjë përfaqësues të subjekteve politike. Takimi i parë i kësaj trupe është mbajtur tashmë.

Pjesë e nëngrupit janë përfaqësuesit e disa organizatave joqeveritare, Komisionit Qendror të Zgjedhjeve (KQZ) dhe të Panelit Zgjedhor për Ankesa dhe Parashtresa (PZAP), si dhe përfaqësuesit e zyrave ligjore të Presidencës, Kuvendit e të Qeverisë. Nëngrupi e ka zhvilluar një takim, shkruan sot Koha Ditore.

Në të dytin, që është planifikuar të mbahet javën e ardhshme, është paraparë të diskutohet mbi bazën e ndryshimeve ligjore që ishin finalizuar në 2014-n, por që nuk kishin kaluar në Kuvend.